Ai Police Cyborg 1.0: Төмөр бие, хүйтэн логик

D.Ankhbayar

• 2025-04-23
• education, технологи

Хүн алдаа гаргадаг, айдаг, хахуульд автдаг. Эсвэл зүгээр л анзааралгүй орхидог. Нэгэнт хүний алдаа үнэтэй тусч байгаа бол, яагаад бид хууль сахиулах системийг код болгож болгохгүй гэж?

Робот офицер

Тайланд улс хууль сахиулах салбарт ирээдүйн чиг хандлагыг тодорхойлж, хиймэл оюун ухааныг олон нийтийн аюулгүй байдлын үйл ажиллагаанд нэвтрүүлсэнээр томоохон ахиц гаргажээ.

AI Police Cyborg 1.0 хэмээх энэхүү ухаалаг цагдаа 2025 оны 4-р сарын 20-нд Накхон Патом мужид болсон Сонгкраны баярын үеэр танилцуулагдсан бөгөөд олон нийтийг хянах дэвшилтэт технологиор тоноглогдсон “Робокоп”-ын загвартай офицер юм. Энэхүү технологи нь томоохон олон нийтийн арга хэмжээнүүд дээр аюулгүй байдлыг хянах аргыг үндсээр нь өөрчлөх боломжтой.

Онцлог чадвар:

• Хуурамч зэвсгийг жинхэнээс нь ялгана
• Усны буу, хөөс цацагч гэх мэт баярын хэрэгслийг зэвсгээс ялгана
• 360° хяналттай, олон сенсорт системтэй
• Баяр наадамд оролцож буй хүмүүсийг “аюултай биш” хэмээн ялгаж танидаг

Роботын хамгийн гайхалтай чадвар нь 360 градусын AI камерын систем бөгөөд энэ нь толгой ба цээжин хэсэгт суурилуулсан гурван 60 градусын хяналтын камертай. Ийм бүх өнцгийг хамарсан хараа нь олон хүнтэй газар нутгийг урьд өмнө байгаагүй үр ашигтайгаар хянах боломж олгодог ба мэдээллийг шууд Хяналтын төвд дамжуулдаг.

Бангкок дахь туршилт

AI Police Cyborg-уудыг анх Сиам Парагон, Chatuchak Market, Khao San Road зэрэг аялал жуулчлал өндөртэй бүсүүдэд байршуулжээ. Эдгээр газарт өдөрт хэдэн зуун мянган хүн зорчиж, хууль сахиулахад нилээд их асуудлууд гардаг.

“AI Cyborg нь хүний сул талыг нөхөж өгч байна. Сэтгэл хөдлөлгүйгээр, хэн нэгнийг алагчилж үзэлгүйгээр, зөвхөн бодит тоон өгөгдөлд тулгуурлаж ажилладаг.” Thammasat University’s Tech-Ethics Lab

AI системүүд хөгжихийн хэрээр илүү нарийн, өндөр төвшний хэрэгжилтүүд хүлээгдэж буйг мэргэжилтнүүд онцолжээ.

Тайланд энэ шинэ эрин үеийг AI дэмжсэн цагдаагийн системээр тэргүүлэн эхлүүлж байх зуур дэлхий нийт анхааралтай ажиглаж байна. AI Police Cyborg 1.0 нь хууль сахиулах ирээдүйн загвар болох уу, эсвэл зүгээр л нэг туршилтын алхам уу? Үүнийг цаг хугацаа л харуулна. Гэхдээ нэг зүйл тодорхой AI цагдаагийн эрин үе Тайландын гудамжнуудад албан ёсоор эхэлжээ.