Компьютер болон гар утасны аппликейшн, веб хуудсын back-end, өгөгдлийг удирдах, томоохон системийг бүтээх гэх мэт маш өргөн хэрэглээнд Жава хэлийг ашигладаг. Програмчлалын хэлүүд хөгжихийн хэрээр Жава хэл жилээс жилд илүү өргөн тархаж байна.
Урт хугацааны туршид алдартай байгаагийн нууц юу вэ?
Компьютерт Java Runtime Environment (JRE) суулгасан л бол Жава программ түүн дээр ажиллах боломжтой тул хүссэн компьютер дээрээ бид жава код бичих боломжтой. Windows, Macintosh , Unix болон Linux компьютерууд, том хэмжээний компьютерууд, мөн гар утас зэрэг ихэнх төрлийн компьютерууд дээр Жава хэлийг ашиглах боломжтой.
Жава хэл нь объект хандлагат хэл бөгөөд объектууд өөр нэг өгөгдлийн төрөлтэй холбоогүй байдаг тул код нь маш бат бөх болж өгдөг.
Бичиглэлийн хувьд Python гэх мэт хэлүүдтэй адил хялбар биш боловч урт хэмжээний код бичихэд маш энгийн харагддаг.
Үнэндээ Жава хэлийг сурах явц нь хэлийг нь сурах биш API-ийг сурах явц байдаг. Жава хэлний үндсэн 50 түлхүүр үг байдаг боловч Жава API нь олон мянган методуудыг өөртөө агуулдаг
Жава хэлийг сураад ямар үнэ цэнийг бий болгох вэ?
Жава хэлний хэрэглээ жилээс жилд өсч байгаа бөгөөд олон хөгжүүлэгчид өөрсдийн сурах эхний программчлалын хэлээр Жава хэлийг сонгосон байдаг.
Бичиглэлийн хувьд англи хэл дээр команд бичиж буйгаас ялгаагүй. C++ буюу C# хэлүүдтэй төстэй бичигддэг тул аль нэг хэлийг нь мэддэг байхад бусад хэлүүдийг нь сурахад хялбар болдог.
- Андройд аппликейшн бүтээх Хэдийгээр Андройд программ хийх өөр аргууд байдаг ч ихэнх програмууд нь Google-ийн Android API ашиглан Java хэл дээр бичигдсэн байдаг.
- Вэб програмууд Засгийн газрууд, эрүүл мэнд, даатгал, боловсрол, батлан хамгаалах салбарууд өөрсдийн вэб программуудыг Жава хэл дээр бичсэн байдаг. Үүний тод жишээ бол Google-ийн Gmail юм
- Програм хангамжийн хэрэгслүүд Олон хэрэгтэй программ хангамж, хөгжүүлэлтийн хэрэгслийг Java хэл дээр бичиж хөгжүүлдэг, жишээлбэл. Eclipse, IntelliJ IDEA болон NetBeans IDE
- Шинжлэх ухааны хэрэглээ Өнөө үед Java хэл нь шинжлэх ухааны хэрэглээний програмууд, тэр дундаа байгалийн хэлний боловсруулалтад ихэвчлэн хэрэглэгддэг. Үүний гол шалтгаан нь аюулгүй,, засвар үйлчилгээ хийх боломжтой бөгөөд C++ болон бусад хэлээс илүү өндөр түвшний зэрэгцээ хэрэглүүртэй байдаг.
Нэмж хэлэхэд Жава хэлийг сурснаас бусад хэлийг сурахад хялбар болгож өгдөг бөгөөд та зүгээр л шинээр сурч буй хэлийнхээ бичиглэлийн хэв маяг(Syntax)-ийг нь сурахад л хангалттай билээ.
Мөн таны программчлалын түвшингээс хамаарч суралцах боломжтой үнэгүй сургалтууд интернэт орчинд түгээмэл байдаг.
Технологи гайхалтай хурдацтай хөгжиж буй нь бидэнд олон боломжуудыг үүсгэж өгч байгаа бөгөөд Жава-ийн сайн мэдлэгтэй хөгжүүлэгчид маш их эрэлт хэрэгцээтэй байна гэсэн үг юм.
Жава хэлийг өдөр тутмын амьдралд тань таны бодож байгаагаас ч илүү ашигладаг. Google, YouTube, LinkedIn, Amazon болон eBay зэрэг бидний байнга ашигладаг алдартай вэб сайтуудад ашиглагддаг. Нэмж дурдахад Java нь аюулгүй байдал, гүйцэтгэлийн тасралтгүй ахиц дэвшил бүхий хөгжлийн хүчирхэг алсын хараатэй хэл юм.
27 жилийн дараа ч Жава хэл улам хүчирхэгжсээр байна.
Нийтлэл бичсэн: Б. Сайнбаяр
