Өнөөдөр бид хиймэл оюун ухааныг (AI) өргөн ашиглаж байна. Chatbot, зураг таних систем, орчуулга, autonomous машин зэрэг технологиуд аль хэдийн бодит болсон. Гэвч эдгээр системүүд нь нэг онцлогтой — тэд тодорхой, нарийн даалгаварт зориулсан байдаг.
Харин AGI буюу Artificial General Intelligence (Хиймэл ерөнхий оюун ухаан) нь үүнээс огт өөр ойлголт юм.
AGI-ийн тодорхойлолт
AGI гэдэг нь хүний адил:
- Янз бүрийн салбарт суралцах
- Шинэ нөхцөлд дасан зохицох
- Логик сэтгэх
- Шийдвэр гаргах
- Мэдлэгийг нэг салбараас нөгөөд шилжүүлэх
чадвартай хиймэл оюун ухааныг хэлнэ.
Өөрөөр хэлбэл, AGI нь зөвхөн “зураг таних AI” эсвэл “чат AI” биш
харин олон төрлийн оюуны ажлыг бие даан гүйцэтгэж чаддаг систем юм.
Жишээ нь:
Одоогийн AI шатар сайн тоглож чадна.
Гэхдээ шатар тоглодог AI автоматаар машин жолоодож чаддаггүй.
Харин AGI бол шатар тоглож, машин жолоодож, код бичиж, шинжлэх ухааны асуудал шийдэж чадна.
Хэрэв AGI бодитоор бий болбол шинжлэх ухааны нээлтүүд хурдасч, эмийн судалгаа богино хугацаанд хийгдэж, робот системүүд илүү бие даасан болж, эдийн засаг болон хөдөлмөрийн бүтэц эрс өөрчлөгдөх боломжтой. Гэвч үүний зэрэгцээ ёс зүй, аюулгүй байдал, хяналт зохицуулалтын томоохон асуудлууд гарч ирэх нь тодорхой юм.
Дүгнэлт:
AGI бол хүний оюун ухаантай адил түвшний, олон салбарт ерөнхий чадвартай хиймэл систем юм. Одоогоор бүрэн хөгжөөгүй ч судалгаа эрчимтэй явагдаж байна.
Ирээдүйд AGI бий болох нь зөвхөн технологийн асуудал биш харин хүн төрөлхтний нийгэм, ёс зүй, соёлын томоохон өөрчлөлтийн эхлэл байж магадгүй.
Та юу гэж бодож байна AGI хүнд хэрэгтэй юу ?
