Царай танилт
Царай танилт нь дижитал зураг эсвэл видеоноос хүний царайг мэдээллийн сан дахь мэдээлэлтэй тааруулах боломжтой технологи юм. Энэ нь ихэвчлэн хэрэглэгчдийг баталгаажуулахад ашиглагддаг бөгөөд тухайн зурагнаас нүүрний онцлогийг тодорхойлж, хэмжих замаар ажилладаг.
Царай танилтын түүх
Woody Bledsoe нь царай танилтын эхлэлийг тависан эрхэм бөгөөд түүнээр ахлуулсан судалгааны баг нь 1960-аад оны үед компьютерд хүний царайг таниулахыг анх хэрэгжүүлж байсан. Байгаа зурган дээр хүний тусламжтайгаар Graphics tablet ашиглаад нүүрэн дээрх тодорхой цэгүүдийг зааж өгөөд тэдний хоорон дахь зайг нь хэмждэг байсан. Хүн цагт 40 зургийг боловсруулж чадах бөгөөд түүгээрээ өгөгдлийн сан бэлдээд компьютер тухайн зайнуудыг харьцуулаад ойрхон зайг нь танисанд тооцдог байсан.
Нүүрний аль аль цэгийг зааж өгдөг байсан бэ гэвэл :
- Хүүхэн хараа
- Нүдний дотор болон гадна ухархай
- Үсний уг гэхчилэн нүүрний болон амны өргөн гэх зэргийг оролцуулсан координатудыг оролцуулаад
20 өөр өөр зай тооцоолдог байжээ.
FERET
Defense Advanced Research Project Agency болон the Army Research Laboratory гэсэн 2 байгууллага нийлээд FERET гэсэн хөтөлбөрийн хүрээнд бодит амьдрал дээр хэрэглэж болох царай танилтын систем хөгжүүлэхийг зорисон бөгөөд томоохон хэмжээний өгөгдлийн санг бий болгож царай танилтын алгоритмууд ямар давуу талтай болон сул талтай зэргийг хянадаг тесттэй болсон.
Царай танилт яаж ажилладаг вэ ?
- Эхний алхам нь царайг background-аас нь тусдаа сегментлэдэг буюу салгаж авдаг.
- Хоёрдахь алхам нь сегментчилсэн нүүрний зургийг нүүрний байрлал, зургийн хэмжээ, гэрэлтүүлэг, саарал өнгө гэсэн хүчин зүйлүүдийг харгалзан авч тохируулна.Үүний зорилго нь гурав дахь алхам болох нүүрний онцлогийг задлахдаа нүүрний онцлогийг үнэн зөв танихтай холбоотой.
- Зурган дээр нүд, хамар, ам зэргийг нарийн тодорхойлж, нүүр царайг илэрхийлнэ.
- Дараа нь дөрөв дэх алхамд нүүрний онцлог векторыг өгөгдлийн сантай харьцуулна.
3 хэмжээст нүүр танилт
Гурван хэмжээст нүүр таних техник нь 3D мэдрэгч ашиглан нүүрний хэлбэрийн талаарх мэдээллийг авдаг. Энэ мэдээллийг дараа нь нүдний нүх, хамар, эрүү зэрэг нүүрний гадаргуугийн өвөрмөц онцлогийг тодорхойлоход ашигладаг. 3D царай таних нэг давуу тал нь бусад техникүүдийн адил гэрэлтүүлгийн өөрчлөлтөд нөлөөлдөггүй явдал юм. Нүүрний гурван хэмжээст өгөгдлийн цэгүүд нь царайг таних нарийвчлалыг эрс сайжруулдаг. Нүүрний 3D дүрсийг авах шинэ арга нь өөр өөр өнцгөөр чиглүүлдэг гурван камер ашигладаг. Нэг камер нь царайны урагшаа, хоёр дахь нь хажуу тийш, гурав дахь нь өнцгөөр чиглэнэ. Эдгээр бүх камерууд хамтдаа ажиллах бөгөөд ингэснээр тухайн хүний царайг шууд хянаж, нүүр царайг таних боломжтой болно.
Face ID
Face ID нь нүүр царайг таних мэдрэгчтэй бөгөөд энэ нь хэрэглэгчийн нүүрэн дээр 30,000 гаруй хэт улаан туяаны цэгийг тусгадаг “Ромео” модуль болон уншдаг “Жульетта” модуль гэсэн хоёр хэсгээс бүрддэг.Царайг утасны эзэмшигчийн нүүр царайтай таарч байгааг баталгаажуулахын тулд CPU үүнийг боловсруулдаг.
Технологи нь хэрэглэгчийн гадаад үзэмжийн өөрчлөлтөд суралцдаг тул малгай, ороолт, нүдний шил, олон нарны шил, сахал, нүүр будалт зэрэгт ажилладаг.Мөн харанхуйд ч ажилладаг. Үүнийг “Flood Illuminator” ашиглан хийдэг бөгөөд энэ нь нүүрний 30,000 цэгийг зөв уншихын тулд хэрэглэгчийн нүүр рүү үл үзэгдэх хэт улаан туяа цацдаг тусгай зориулалтын хэт улаан туяаны гэрэл юм.
