Программчлалын хэл хэрхэн бүтээгддэг вэ?

Программчлалын хэл бүтээх үндсэн алхмууд юу байдаг вэ?

1. Зорилго ба онцлогийг тодорхойлох

• Ямар зорилгоор, хэнд зориулж, ямар боломжуудтай байх вэ гэх мэт

Жишээ: Та CalcLanguage нэртэй хялбар математикийн хэл бүтээхээр шийдсэн гэж бодъё. Таны зорилго:

• Үндсэн дөрвөн үйлдлийг дэмжих: +, -, *, /

• Хувьсагч ба функц дэмжих

  2. Синтакс(syntax)  ба дүрмийг загварчлах

  Синтакс гэдэг нь тухайн хэлний өгүүлбэр хэрхэн бичигдэхийг заадаг дүрэм юм.

  Жишээ CalcLanguage синтакс:

   

  let x = 5
let y = 10
print(x + y)


  Энд:

  • let хувьсагч зарлана

  • print() үр дүн хэвлэнэ

  • Цэг таслал эсвэл хоосон зайг ашиглах эсэхийг тухайн хүн шийдэх боломжтой.

  Эдгээр дүрмийг BNF (Backus-Naur Form) гэх системээр бичиж болдог.

3. Лексер ба Парсер бүтээх (Lexer & Parser)

Лексер (Lexical Analyzer):

Кодыг хамгийн жижиг утгатай хэсгүүд буюу токен(token) болгон хуваана.

Оролт: let x = 5

Токенууд:

• LET

• IDENTIFIER(x)

• EQUALS

• NUMBER(5)

Парсер:

Токенуудыг дүрэмтэй нийцэж байгаа эсэхийг шалгана. Хэрвээ тохирвол parse tree буюу AST үүсгэнэ.

4. Абстракт синтакс мод (AST) үүсгэх

5.Компайл эсвэл Интерпрет хийх

AST-г ашиглан:

• Шууд тайлбарлаж гүйцэтгэж болно (Interpreter)

• Өөр хэл рүү хөрвүүлж болно (Compiler)

Интерпретатор:

Кодыг мөр мөрөөр уншиж гүйцэтгэдэг. (жишээ: Python)

Компайлер:

Кодыг бүхэлд нь хөрвүүлдэг. (жишээ: C, Rust)

6. Runtime орчин нэмэх

Зарим хэлүүд runtime буюу гүйцэтгэх үеийн орчныг шаарддаг.

Жишээ:

• Java нь JVM ашигладаг.

• Python өөрийн runtime, garbage collector-той.

7. Турших ба Дебаг хийх