Англи хэл аль хэдийн бүх салбар, мэргэжлийн харилцааны чухал хэрэгсэл болжээ. Мэдээллийн технологийн салбарт ч мөн үл хамаарах зүйл биш юм. Энэ салбарт анхны алхмаа хийж байгаа анхлан суралцагчийн хувьд англи хэлний мэдлэг зайлшгүй байх албагүй ч, олон программчлалын хэлний түлхүүр үг англи хэл дээр байдаг тул код бичиж сурахад илүү хялбар болдог. Жишээлбэл би variable, constant, loop, function гэх мэт олон түлхүүр үгсийг сурсан. Би эдгээр үгсийг англи хэл дээр төдийлөн мэддэггүй байсан ч, миний кодчиллын үгсийн сангаас гарч ирж байна.
Англи хэлтэй байх мэдээллийн технологийн салбарт ямар давуу талуудтай болохыг хэлж өгье.
1. Техникийн баримт бичиг
Аливаа программчлалын хэлний техникийн баримт бичгийг англи хэл дээр бичигдсэн байдаг. Мэдээжийн хэрэг та орчуулсан баримт бичгүүдийг олж болно, гэхдээ эх хувь нь үргэлж илүү сайн байдаг.
2. Интернэтээс хариултаа хайх
Код бичих үед синтакс, семантикс алдаа эсвэл кодтой холбоотой олон асуудал гарж ирдэг. Эдгээр асуудлын хариултыг олох эх сурвалжийн ихэнх нь англи хэл дээр байдаг тул англи хэл дээр асуултаа google-ээс хайж олох нь илүү давуу тал болдог.
3. Бусад улс орнуудтай харилцах
Англи хэл бол дэлхийн хэл бөгөөд программ хангамжийн салбарын үндсэн хэл учраас англи хэлний ахисан түвшний мэдлэгтэй байх нь олон улсад өрсөлдөх хүсэлтэй хөгжүүлэгчдийн хувьд сайн сонголт юм. Программист хүний хувьд та өөр өөр орны үйлчлүүлэгчидтэй харилцах шаардлагатай байж болох бөгөөд ихэнх тохиолдолд харилцааны гол хэл нь англи хэл байх болно.
4. Дэлхий дахины туршлага
Англи хэлээр чөлөөтэй ярьдаг байх нь тухайн мэргэжилтэнд өөр улс дахь компанид алсаас ажиллах эсвэл өөр улсад нүүж, карьераа үргэлжлүүлэхэд тусална. Тиймээс хэрэв та өөрийн ирээдүйгээ Microsoft, Google зэрэг компаниудтай хамтран ажиллаж байгаа эсвэл олон улсын вебинарт оролцохыг хүсэж байгаа бол англи хэлийг заавал мэдэх ёстой
Эцэст нь хэлэхэд, англи хэлний мэдлэг нь хүний боломжуудыг өргөжүүлдэг гэж бид гарцаагүй хэлж чадна.
