AI-д асуулт асуух үе өнгөрч, AI-д ажил даалгах үе эхэлж байна

AI Agent-ийг нэг программ гэж ойлгохоос илүү хэд хэдэн технологийн нийлбэр гэж ойлговол зөв.

Түүний үндсэн хэсгүүдэд:

• AI Model – мэдээллийг ойлгож, шийдвэр гаргахад ашиглагдана.

• Memory – өмнөх мэдээлэл, нөхцөл байдлыг хадгалах боломж.

• Tools – интернет, файл, Excel, database, email зэрэг гадаад хэрэгслүүдтэй ажиллах боломж.

• API – бусад software болон системүүдтэй холбогдох суваг.

• Environment – Agent-ийн ажиллах бодит орчин.

• Security & Permission – Agent ямар үйлдэл хийх эрхтэйг хянах систем.

AI Agent технологийн дараагийн сонирхолтой чиглэл нь олон Agent хоорондоо хамтран ажиллах явдал юм. Жишээлбэл нэг байгууллагад:

• Research Agent – мэдээлэл хайна.

• Finance Agent – зардал, санхүүгийн тооцоо хийнэ.

• Sales Agent – борлуулалтын мэдээлэл боловсруулна.

• Report Agent – тайлан бэлтгэнэ.

• Manager Agent – эдгээр ажлыг хуваарилж, эцсийн үр дүнг нэгтгэнэ.

Ингэснээр нэг AI бүх ажлыг хийхээс илүү мэргэшсэн хэд хэдэн AI Agent нэг баг шиг ажиллах боломж бүрдэж байна.

1. Бизнесийн салбарт - Борлуулалтын мэдээллийг цуглуулж, дүн шинжилгээ хийж, тайлан бэлтгэх.

2. Програм хангамжийн салбарт - Код бичих, алдаа илрүүлэх, тест бичих, баримт бичиг боловсруулах.

3. Санхүүгийн салбарт - Нэхэмжлэл боловсруулах, мэдээлэл ангилах, санхүүгийн тайлан гаргах.

4. Үйлчилгээний салбарт - Хэрэглэгчийн асуултад хариулах, мэдээлэл хайх, хүсэлтийг зохих системд бүртгэх.

5. Өдөр тутмын хэрэглээнд - Аялал төлөвлөх, мэдээлэл цуглуулах, цагийн хуваарь зохион байгуулах, олон төрлийн мэдээллийг нэгтгэх зэрэг ажлыг хөнгөвчлөх боломжтой.

AI Agent илүү бие даасан болохын хэрээр аюулгүй байдал хамгийн чухал асуудлын нэг юм.

• Мөнгө шилжүүлэх

• Файл устгах

• Компанийн database-д өөрчлөлт хийх

• Email илгээх

• Программын код өөрчлөх гэх мэт эрх өгвөл эрсдэл нэмэгдэнэ.

Тиймээс AI Agent-ийн хөгжлийн нэг чухал зарчим нь:

“AI юу хийж чадах вэ?” гэдгээс гадна “AI-д юу хийхийг зөвшөөрөх вэ?”

гэдэг асуудал юм.