Бүх нийтлэлүүд
2026.04.302 min read#роботтехникбаавтоматжуулалт#Onstage#rescue#Robocup#RoboCupJunior#soccer
Робот бүтээдэг сурагчид : Тоглоом уу, шинжлэх ухаан уу?
Ш.Болор
Багш
Ш.Болор
Багш
RoboCupJunior гэж юу вэ?
RoboCupJunior нь 1998 онд Францын Парис хотод болсон RoboCup олон улсын тэмцээний үеэр анх танилцуулагдсан бөгөөд 2000 онд Австралийн Мельбурн хотод анхны албан ёсны RoboCupJunior боловсролын тэмцээнийг зохион байгуулсан. Энэхүү санаачилгыг RoboCup олон улсын төслийн хүрээнд боловсруулсан бөгөөд RoboCupJunior нь RoboCup-ийн салбар хөтөлбөр юм.
RoboCupJunior нь 2000 оноос хойш жил бүр тогтмол зохион байгуулагдаж, дэлхийн олон орны сурагчдад STEM (шинжлэх ухаан, технологи, инженерчлэл, математик) чиглэлээр сонирхолтой, бүтээлч байдлаар оролцох боломжийг олгодог ба 19 нас хүрээгүй сурагчдад зориулсан олон улсын роботын тэмцээн юм.
Тайзны үзүүлбэр зэрэг гурван үндсэн төрөлтэй.
1. Soccer League (Хөлбөмбөгийн лиг)
Автоматжуулсан жижиг роботуудаар 2:2 тоглолт хийдэг. Роботууд гэрэл ялгаруулдаг бөмбөгийг хөөж, талбайн хүрээг даган хөдөлдөг. Энэ лиг нь хоёр дэд ангилалтай :
Lightweight League: Хөнгөн жингийн хязгаарлалттай, инфра улаан туяа ялгаруулдаг бөмбөгийг ашигладаг.
Open League: Камер ашиглан улбар шар өнгийн гольфийн бөмбөгийг илрүүлдэг.
2. Rescue League (Аврах ажиллагааны лиг)
Роботууд нь гамшгийн нөхцөл байдлыг дуурайлган хийсэн саад бэрхшээлтэй замыг туулж "хохирогчдыг" илрүүлэн аврах үүрэгтэй. Дараах дэд ангилалтай :
Rescue Line: Шугам дагах, саадыг тойрох зэрэг үндсэн ур чадвар шаарддаг.
Rescue Maze: Хэцүү нөхцөлд ур чадвар гаргах, хохирогчдыг илрүүлэх зэрэг нарийн ажиллагаа шаарддаг.
3. OnStage League (Тайзны үзүүлбэрийн лиг)
Оролцогчид роботуудаа хөгжүүлж, хөгжмийн хэмнэлд тохируулан бүжиглэх, түүх өгүүлэх зэрэг бүтээлч үзүүлбэрүүдийг тайзан дээр үзүүлдэг. Энэхүү лиг нь инженерчлэл, программчлал, уран сэтгэмжийг хослуулсан байдаг.
2026 оны RoboCupJunior Олон улсын тэмцээн
Огноо: 2026 оны 6-р сарын 30 - 7-р сарын 6
Байршил: Өмнөд Солонгосын Инчон хот
Насны ангилал: 14–19 насны сурагчид
Багийн хэмжээ: Soccer болон Rescue лиг 2–4 гишүүн, OnStage лиг 2–5 гишүүн
Шаардлагатай материал: A1 хэмжээтэй багийн постер, роботын техникийн тайлбар бүхий видео, ашигласан эд анги, материалын дэлгэрэнгүй жагсаалт (Bill of Materials)
Дүгнэлт
Өнөөдөр тоглоом шиг харагдаж буй роботын тэмцээн маргаашийн мэргэжил, амьдралын замыг тодорхойлж мэднэ. RoboCupJunior бол хүүхдүүдийн сониуч зан, бүтээлч сэтгэлгээг дэмжиж, технологийн ирээдүйг өөрсдийн гараар бүтээх боломжийг олгодог гайхалтай орон зай юм. Хүүхдийнхээ хүсэл сонирхлыг дэмжих нь тэдэнд итгэл өгч, ирээдүйн амжилттай алхам бүрийг эхлүүлэх хүч болно.